• Fənlərin söhbəti

    Bir dəfə fənlər yıgılıb bir yere
    Başladılar bəhsə hərə bir cürə
    Ən əvvəlcə açdı dilin fizika:
    FİZİKA
    -Məncə,söylədiyim deyil evrika
    Məndədir ən böyük kəşflər açarı
    Kimin var etirazçün ixtiyarı?
    Mən olmasam, eyləyiniz etiraf
    Heç cəmiyyət edərmiydi inkişaf?
    Var nə qədər ixtiram və icadım
    Həmişə mənim birinci çəkilib adım.
    Söz riyaziyyatın xətrinə dəydi,
    Əsəbləşdiyindən üz-gözün əydi:
    RİYAZİYYAT
    –Ey fizika,söylə nə ixtiyarla
    Özünü öyürsən belə bir vüqarla?
    Mən olmasam heç var olardınmı sən?
    Heç bu cür populyar olardınmı sən?
    Bil ki, seçənlər məni üstün seçir
    Dahilərin məntiqi məndən keçir.
    Hər nə qədər olsa da səndən, yenə
    Elmlərin şahı deyirlər mənə.
    Biologiya eşitdi söhbəti,
    Daha da qarışdırdı olan vəziyyəti:
    BİOLOGİYA
    –Ey özün öyüb mənəm-mənəm deyən!
    Gör nə qədər yolunu azmısa ki sən
    Unutmusan ki,mən varam,burdayam
    Nə olsun ki,bayaqdan kənardayam
    Kim müasir elmə bələddir əgər
    Qoy elə o versin işə düzgün dəyər
    İyirmi birinci əsr mənlədir
    Qabagımda at oynadırsız –nədir?
    Son söz hamını qaldırdı ayaga
    Cografiya durub gəldi qabaga:
    COĞRAFİYA
    –Xahiş edirəm,bir belə həddi aşma,
    Həya saxla,artıq-əskik danışma.
    Məndə cəmlənir elmlərin cəmi
    Axı mənəm öyrədən ətraf aləmi
    Təbiətin hər sirri məndə yerləşir
    Məndə tamamlanır,məndə birləşir
    Hər tərəf,hər yanda mənəm birinci
    Məncə, bu meydanda mənəm birinci.
    Cografiya özünü öyən məqamda,
    Qoca tarix cuşa gəldi davamda:
    TARİX
    –İndi də gəl,sən qulaq as bizlərə
    Xüsusilə deyəcəyim bu sözlərə
    Hansı xalq ki,bilməyir öz tarixin,
    Özgələr şəkər cografiyasın yəqin
    Məndə keçmiş var,bu gün,gələcək var
    Tarixə hər zaman böyük gərək var
    Hər səhifəm bir cavahir,bir inci
    Birinciliyə qalsa mənəm birinci.
    Söhbət gəlib çıxınca bu gedişinə
    Kimyanın sıxıldı dişləri dişinə:
    KİMYA
    –Kimə gərəkdir toz basmış məlumatlar
    Ki,oxuyub qurtarınca bagrı çatlar
    Dəyişdikcə bu dövran,bu ruzigar
    Yeni həyatda,yeniliyə ehtiyac var
    Elm odur ki,nə isə çıxartsın üzə
    Yəni ki,bir nailiyyət olsun təzə
    Elmin,texnikanın tərəqqisiyçün
    Sizin aranızda mənəm ən üstün.
    Qulaq asırdı ədəbiyyat bayaqdan
    Bunu eşidincə dilləndi qıraqdaı:
    ƏDƏBİYYAT
    Belə danışırlar niyə özlərindən
    Yaxşılıgım gəlməzmi gözləridən?
    Hər sahənizdə vardır neçə alim
    Onlara yol göstərib ilham pərim
    Məndə Nizamilər,Fizulilər var
    Yüz illərlə könüllərdə qalıblar
    Həyat içində həyatı əks etmişəm
    Mən insana yaşamagı öyrətmişəm.
    Səs-küy düşüb ara qarışan məqamda
    Bir fənn bu yan,o biri fənn o yanda
    Hərə özünü tərif edən zamanda
    Gəldu diləAna dilimiz bu anda
    ANA DİLİ
    –Qardaşlarım indi dinləyin məni,
    Biz deyilik bir-birinin düşməni
    Yox mübahisə etməyin faydası
    Var həyatın bax belə bir qaydası
    Ayrı olan zaman bir-birimizdən
    Hansı xeyir çatar cəmiyyətə bizdən
    Biz ki,ayrı-ayrılıqdqa heç nəyik
    Biz onda güclüyük ki, bir yerdəyik
    Vermək üçün xalqa xeyir biz gərək
    Hamımız bir amal məqsəd eyləyək
    Öyrədək vətənin hər bir övladın
    Ucaltsın onlar da millətin adın.
    Səylərimiz xalqın xeyrinə detsin,
    Azərbaycanımız inkişaf etsin!
    Biz ki,ayrı-ayrılıqda heç nəyik,
    Biz onda güclüyük ki, bir yerdəyik!

    Yazını paylaş...FacebookTwitterGoogle+
    Şərh yazın →

Şərh yaz

Ləğv et
Yazını paylaş...FacebookTwitterGoogle+